Dangerous Future...

尋日我開始新面貌，著新衫返學，此新校服非普通，而係改過嘅 ，半長短，開咗學校先例！~

經過我嘅人全都問我邊度整嘅，順便讚讚我！^^

希望唔好有人抄襲我嘅作風...

Something really wrong...
有點擔心...今次呢關未必過到...過唔到就無命架啦，要撐定係跟住命運行？
見步行步..

無辦法，唯有當每一日都係自己最後一日，對人好d，對自己好d，甘就無憾啦。

不過如果我離開咗，呢度會係點呢？

開心背後...

人逢喜事精神爽！
尋日練波時，我要求放我一日假，我唔做Keeper！我走去做Freeman，結果我梅開四度，跌爆曬所有人嘅眼珠...
不過一位天生領袖風範嘅隊長，仲威過我...距嘅隊入9球，距包曬8球...

成績：
A隊 9-9 B隊（我）
隊長x8，我x4...

Penalty Shootout
4-5我地win！

好開心，不過翻到嚟，something wrong...

叫我第一名！

我已接受...

從今開始，叫我第一名吧！

既然已係事實，唯有接受。

我俾人嘅感覺、印象好差，一般人會覺得：

你條友好吋！好想打距！

不過事實如此，我唔鈡意同你地講嘢，又點？

可能會覺得我驕傲，不過換在我立場，你地可能一早已經同距地翻曬面...

你地會覺得我好好人，點解閙都無閙過距地，事實上，鬧距地有鬼用，甘大個人都

唔識唸，一閙就識？距地發夢！

It's Late...

睇翻我地之前嘅對白，原來我地之前係如此接近...

以家睇翻，味道淡咗，多咗份唏噓...心情不自覺沉重起嚟...

有嘅時候唔好好珍惜，到以家先至想珍惜？太遲喇...

唔知以後我地會點呢？

事與願違

有件事唔知要開心定係痛心，

我又係第一名...

之前講咗幾百次我唔要第一名，所以連書都無望多幾眼，只係簡單搔一眼，你地就日嘜夜嘜，點解我縂不能退位讓賢？

第一名好有壓力，我唔鈡意，但係事情往往調轉嚟行，
可能上天覺得我係要俾壓力推住先可以行落去...

我今年都俾壓力推咗半年啦，仲要推多半年？盡量啦！

希望你地可以進步，我就可以退位啦！

戰術失敗...

真丟架...

度好條喬，點知唔work...果真賠了夫人又折兵！

輸到慘！慘敗！！

原以爲有一場世紀大騙局，點知算漏咗一點，就全盤翻...

會吸取教訓！下次絕不算漏嘢！

大騙局

密謀緊一個騙局，
兩個主謀已有，只差一衆人...計劃好用咩話、咩行動，
等緊時間來臨...
只許成功，不許失敗！
若一失敗，就百無聊賴...
一定要成功！！

驚世大騙局！Action！！

It's Over..

我幾時會對一個人甘好？我從來未如此對待人，你係第一個，我可以為你撲心撲命，無條件為你做任何事，至今，我好似未拒絕過你...

不知情嘅旁人，一定會認爲，我對呢個女朋友真係體貼...不過距地唔知嘅就係，呢個唔係我女朋友，其實我以朋友身份作嘅已經超出範圍，不過我從未介意，無辦法，大家都係被一個愛字操縱。

我任勞任怨，其實我唔係想以行動話俾你知我嘅愛，我一世都唔會講出嚟，我甘做，只係做番魚之守護者嘅本分...
其實我已做多咗...It's Over...